خطوات دراسة الماجستير فى المانيا

نظرا للاهتمام المتزايد بالدراسة فى المانيا و قله المصادر المتاحة و تضارب المعلومات شوفت انه لازم اجمع اكبر قدر من المعلومات عن الدراسة فالمانيا و بالذات لدرجة الماستر فى بوست واحد يكون مرجع لناس كتير و قد كان 

ارجو ان البوست يفيد الناس و يشجعها على انها تقدم فى دولة تعليمها تعليم للمستقبل تعليم للابداع بلد الافكار المانيا 

اي استفسارات او لينكات مش شغالة بلغونى فورا !!!

اولا مرحلة اختيار الجامعة و التخصص

--------------------------------------- 

هتخش على موقع : 

https://www.daad.de/deutschland/studienangebote/studiengang/en/

او

https://www.study-in.de/en/plan-your-studies/find-programme-and-university/

و تبحث عن التخصص اللى يناسبك علوم زراعية – هندسة مدنية و هكذا و تختار التيرم و لغة الدراسة سواء المانى او انجليزي و الدرجة اللى مطلوبة اللى هيا هنا الماجستير 

طبعا هيطلعلك نتايج كتير هتخش على برنامج برنامج و تفتح الموقع الاصلي بتاع البرنامج و تجيب ورقة و قلم و تزاكر البرامج ديه حرفيا 

فالاول هتوه و هتتلخبط و هتبقي مش عارف الموقع منين رايح فين بس متقلقش ده عادي فالاول ولازم تتعب شوية 

بعد ما تخلص الخطوة ديه هتعمل مقارنات سريعة بين البرامج على اساس معاير كتير اهمها فرص قبولك فالبرانامج و هل انت مستوفى شروطه ولا لأ و لازم تخلى بالك من deadline لانه بيختلف من برنامج للتانى 

طيب علشان تفهم و تحدد و تقارن و تحسب فرصك كويس لازم تعرف ايه معايير قبول الجامعات 

اولا : الخبرة من اهم المعايير الخبرة مش مقصود بيها الشغل بس لأ كمان عدد الساعات اللى درستها فالمواد المؤهلة للتخصص اللى رايح تدرسه و طبعا معاها الخبرة العملية سواء شغل او اعمال بحثية او ابحاث منشورة او ساعدت دكتور فى ابحاث معينة.

ثانيا : التقدير ولكنه مش كل حاجة فيه ناس لان خبرتها كويس اتقبلت رغم ان تقديرها مقبول !!! 

ثالثا : خطاب التحفييز و ده بيربط كل حاجة ببعضها و بيديهم نظرة شخصية عنك عن طوحاتك اهدافك شخصيتك شغفك بالعلم و ده من خلاله بتسوق نفسك ليهم و بتثبت انك شخص جدير بالمكان ده و ان قد ايه المكان ده هيفيدك وانك هتاخد الفايدة ديه وتردها للمجتع و الابحاث وده هدفهم الاول من العملية التعليمية اصلا.

رابعا: السي في و هو ملخص لكل ما سبق اصلا فميعتبرش معيار منفصل لكن ممكن نحط بقي بقية المعايير زي مستوى الجامعة اللى انت جاي منها و خطابات التوصية و هكذا و الاعمال التطوعية بيكون ليها عوامل ايجابية خلال نظرتهم ليك كشخص.

و نصيحة لو عايز تضمن فرص قبول عالية حتى لو تقديرك مش عالى او مقبول قدم على اقرب كورس لدراستك السابقة....

يعنى ايه؟؟؟؟؟!!!!! يعنى مثلا انت كنت علوم كيماء متاح ليك انك تقدم على ماستر كيمياء حيوي او هندسة كيمائية بس فرصك هتكون اعلى لو ماستر كيمياء و بس و معاك خبرة واشتغلت فحاجة كيمياية حتى لو ممعكش تقدير عالى .

ثانيا مرحلة مراسلة الجامعات:

----------------------------------

يعني ايه مراسلة اولا ... يعني ببساطة هتتكلم مع الجامعة عشان تعرف راسك من رجيليك يعني تعرف الورق المطلوب طريقة التقديم اونلين ولا بريد الشروط المبدئية عايزين خطاب تحفيز ولا لأ شكل السي في و هكذا ........ وطبعا الاهم بالنسبة لدارسي الالمانى هينفع يدوك قبول مشروط و لأ 

طبعا وانت بتبعت ايميل للجامعة راعى الاتى :

- يفضل يكون ميعاد ارسال الايميل فى وسط الاسبوع الصبح على الساعة 9 مثلا 

- ابعد عن ايام الاجازات السبت و الاحد محدش هيرد عليك 

- الخطاب يكون بصورة رسمية و انجليزي صح و تعرف نفسك فسطرين و انك مهتم بالبرنامج ده و عايز تستفسر عن الاتى : و تعمل استفسراتك فصورة اسئلة واضحة و مباشرة و تكون فصور نقط واحد اتنين تلاتة علشان مينساش يرد عليك فحاجة و يفضل لو الاسئلة اكتر من تلاتة ابعتها على مرتين 

- بلاش اسئلة من نوعية انا عايز اقدم اعمل ايه اقرأ الموقع بتاعهم كويس و اللى يقف قدامك استفسر عنه 

- اختار الشخص المناسب انك تبعتله و ده بيكون عادة موجود فى صفحة الاتصال بتاعت البرنامج او فى international student office في بعض الجامعات الاخري 

- ادي للجامعة فرصة انها ترد عليك استني من 3 ل 5 ايام عمل لو مردوش ابعت تانى

ثالثا اعداد اوراق الجامعة 

-------------------------

في المرحلة ديه مفروض تكون عرفت كل اللى عايز تعرفه عن الجامعات و خلاص استقريت هتبعت لانهو جامعة يفضل مراسلة او اختيار من 5 ل 8 جامعات 

الاوراق اللى غالبا اي جامعة بتطلبها :

1- الابليكشين 

************

لازم تعرف الجامعة ديه طريقة الابليكشين فيها ازاى بمعنى هل تتبع لليونى اسيست ولا لأ هل التقديم اونلين ولا بنزل ابليكشن املاه و ابعته 

موضوع بيشرح نموذج التقديم فجامعة هانوفر ولكن لبرنامج البالكريوس

http://www.lsgermany.com/articles/to/approval/415083014

نموذج اخر مهم 

نموذج لطريقة مليء الابليكشين اللى بتكرر في اغلب الجامعات !!

موضح بالصور كمان 

http://www.inobis.de/sample-application.html

عادة الابليكيشن بيكون من الانواع الاتيه :

- ابليكشن تبع الاوني اسيست و ده بردو لازم تعرف ايه الورق اللى جامعة عايزاه و تقدم عبر الاوني اسيست لان الاونى اسيست مش هيقولك ايه الاوراق اللى الجامعة طالباها لازم تعرفها و تعمل اونلين اكونت و ترفع الورق pdf وبعدين بياناتك كلها اونلين لكل جامعة على حدى و بعدين ترفع الاوراق و الشهادات فصورة pdf و تعمل submit online application هينزلك ملف تطبعه و تمضيه و تكتب التاريخ و المكان و تحطه مع كل اوراقك و شهاداتك و تبعته بريد سريع للاونى اسيست 

و هذا شرح بالفيديو لخظات التقديم فالاوني اسيست بالتفصيل

http://www.lsgermany.com/articles/to/approval/415084735

- أو بيكون ابليكشن اونلين تبع الجامعة من الالف للياء و ورقك بترفعه اونلين فصور pdf و لما بتخلص الابليكشن الاونلين فيه تلات انواع ممكن تقابلها الاول بيخلص كله اونلين و التانى لازم تطبع الابليكشن و تمضيها و تبعتها هيا بس بريد و التالت انك بعد ما بتخلص بتطبع الابليكشن بردو بس بتبعتها مع ورقك كله بريد للجامعة 

- اخر نوع التقديم العادي وهو انك بتنزل ملف الابليكشن و تملاه سواء على كومبيوتر و بعدين تطبعه لو ده متاح او تملاه بخط اليد و بعدين تبعته مع ورقك بردو بريد سريع

2- خطاب التحفيز Motivation letter

**************************

ليه اسامي تانية كتير زي essay or personal statement or statement of purpose 

من الاوراق المهمة جد جدا و الفيصلية في عملية التقديم و اياك و الاستهانة بها فبعض الجامعات مثل ميونيخ تعطي لها 40% من درجات تقييم ملفك فاهتم بها جدا 

لازم يكون الخطاب دقيق املأيا و نحويا و ترقيميا و يستخدم اسلوب جيد رسمي بعيد عن الابتذال او اللغة الدارجة و يكون فى حدود صفحة و نصف او صفحتان ......... خد بالك بعض الجامعات ممكن يكون ليها form ثابتة لخطاب التحفيز او عدد اقصي من الكلمات او طلبات معينة ضعها فالاعتبار

طيب اكتب ايه فالخطاب ده ؟؟؟؟؟؟؟؟؟

- انت مين و تعرف نفسك و دراستك و خبراتك و اهتمامك بالتقديم فالبرنامج المعين 

- تانى paragraph تكتب ليه اخترت التخصص ده و ايه اللى شدك ليه 

- ليه اخترت الجامعة ديه و المانيا فالدراسة عموما و لو امكن تتكلم عن المدينة كمان 

- ايه اللى انت متوقعه بعد الحصول على تلك الدرجة 

- خصائصك و طباعك الشخصية اللى بتؤهلك تكون مناسب للبرنامج و الدراسة فالمانيا بوجه عام

لازم توقع الخطاب و تكتب التاريخ

لينكات هامة لكيفية عمل خطاب التحفيز 

http://www.lsgermany.com/articles/to/embassy/914132716

http://motivationalletter.com/

فيديو 

https://www.youtube.com/watch?v=CIKULmt2vPk

شوية نصايح عن كتابته من جامعة أخن الغنية عن التعريف 

http://www.rwth-aachen.de/…/Ka…/~top/Bewerbungstipps/lidx/1/

https://www.academics.com/letter-of-motivation-phd

كيف تكتب رسالة الموتيفشن؟ (مع أمثلة)

How to write a motivation letter (Personal Statement)http://www.studential.com/guide/write_personal_statement.htm

Lots of Examples depending on the subject

http://www.studential.com/personalstatements

3- السي في 

************

من ضمن الوثائق المهمة جدا بردو و اللى ليها وزن فعملية القبول 

طبعا سي في احترافى بدون اشكال و الوان و تنسيق ميخرش المية

- معلومات اتصال كاملة من الاسم رباعى كما فالباسبور و رقم الباسبور و تاريخ الميلاد و العنوان بالتفصيل و الرقم البريدي و الحالة الاجتماعية و الجنس و محل الميلاد و الجنسية و محل الاقامة الحالى و رقم التلفون و المنزل ان وجد و الفاكس ان وجد و الايميل .... ملحوظة اختار ايميل احترافى و يفضل يكون جديد علشان مراسلات الجامعات هتكون كلها عليها ولو ايميل قديم ممكن يكون بيجي عليه مئات الايميلات يوميا مما يعرض مراسالات الجامعة للضياع مثال ahmed.badr.engineer@gmail.com 

- البيانات الدراسية كاملة من اول ما دخلت تعليم ابتدائي و اسم المدرسة و قعدت كام سنة و اتخرجت بمجموع كام من الابتدائية لحد الثانوية العامة لان تلك المعلومات وان تبدو غير مهمة بالنسبالك هي مهمة بالنسبالهم و طبعا بعد كده التعليم الجامعة و عدد سنينه و التقدير واسم الجامعة و التخصص العام و الدقيق و سنة التخرج و هكذا فالدرسات العليا ان وجدت طبعا 

- طبعا مش هوصيك لو ليك اي ابحاث او منشورات علمية خصوصا لو published يبقي ضمنت مكان فى افضل الجامعات 

- بيانات عن الخبرة و العمل طبعا هتقول كل الاماكن اللى اشتغلت فيها و اسم الشركة و موقعك الوظيفيى و مهامك الوظيفية و مده تلك الوظيفة و ان امكن بيانات الاتصال بتلك الشركة او موقعها الالكتروني و ترتبها من الاقدم الاحدث للاقدم 

- لو دخلت جيش لازم تكتبه لان بعض الجهات الالمانية بتشترط ان ميكونش عندك gap او مساحة زمنية فالسي في غير مفسرة 

- بيانات العمل التطوعى او الانشطة الطلابية او الخدمات المجتمعية او اى انشطة اخري قمت بها و عموما الاعمال التطوعية و الخيرية بتعكس نشاط و ايجابية الشخص و عامل مهم 

- اى كورسات او مهارات اضافية اخدتها و بيناتها و اماكن حصولك عليها و تاريخ الحصول عليها 

- اى تدريب فى اماكن ادتك خبرة عملية 

- مهارات اللغة : لازم توضح مهارات اللغة بشكل كامل و بالتفصيل فكل بند او مهارة من مهارات اللغة اللى عندك 

- مهارات الكومبيوتر 

- المهارات الشخصية و بلاش تخدها كوبي بيست اكتبها من دماغك احسن و من خطاب التحفيز الل هتعمله 

- اخيرا لو حابب تضيف reference للشغل او ليك عموما علشان لو حد حب يتأكد من معلومة يتصل بيه و ممكن تضيف هواياتك لو حابب

- لينكات

نموذج و نصايح لعمل سي في للجامعات مهم جدا

http://www.inobis.de/sample-cv-sample-application.html

ملفات هامة بها نماذج للسي في و طرق عملها 

http://www.4shared.com/rar/Ro7FqdmHba/CV_Writing.html

https://www.vitae.ac.uk/researcher-careers/pursuing-an-academic-career/how-to-write-an-academic-cv

http://theprofessorisin.com/2012/01/12/dr-karens-rules-of-the-academic-cv/

اخطاء شائعة عند كتابة السي في 

http://www.theguardian.com/higher-education-network/blog/2013/nov/01/academic-cv-job-10-mistakes

4- خطابات التوصية 

***************

وثيقة مهمة و مش كل الجامعات بتطلبها ممكن يتطلب واحدة او اتنين او تلاته في جامعات ممكن تتيح ليك ان التوصية تكون من زميل عمل او مدير عمل او دكتور اكاديمي و فيه مش بتقبل الا بدكتور اكاديمي درسلك و هنا جدير بالذكر انهم مش بيشترطوا استاذ دكتور فلو معيد درسلك ممكن يعملك خطاب 

بعض الجامعات بيكون ليها فورمه معينه للتوصية او بتشترط ان خطاب التوصية يتبعت من ايميل الدكتور شخصيا 

طيب الدكتور هيكتب فالخطاب انه درسلك المادة المعينة فالسنة المعينة و يمدح فيك شوية من ناحية خصائك الشخصية من جهة و من جهة تانية مؤهلاتك و مهراتك الاكاديمية و المعملية و البحثية 

و فى الاخر هيوقع باسمه و موقعه واسم قسمه و عنوانه و ايميليه و رقم التلفون ان امكن 

ملحوظات :

- يفضل ان الايميل اللى الدكتور يكتبه فالتوقيع يكون على دومين الجامعة علشان تثبت ان ده دكتور فعلا 

- يفضل انه ميذكورش اسم الجامعة او البرنامج اللى انت ناوي تقدم عليهم علشان تقدر تقدم بنفس الخطاب فكذا جامعة 

- لو عرفت تعمل كذا نسخة من الدكتور يكون افضل 

- لو الجامعة عايزه التوصية بريد هتحط الجواب فى ظرف و تكتب عليه بيانات الراسل او الجامعة بتاعتك و بينات الدكتور و الناحية التانية اسم الجامعة اللى رايح ليه و يمضى على قافلة الظرف و يكتب التاريخ و تبعتها مع اوراقك عادي 

- لو قدرت تخلى الدكتور يختمهولك بختم مكتبه او ختم القسم هيدعم موقفك جدا

امثلة و نماذج :

http://jobsearch.about.com/od/referencesrecommendations/a/academic-recommendation-letters.htm

5- الثانوية العامة 

**************

مش كل الجامعات بتطلبها و هتلاقيها مشار ليها ب high school leaving certificate 

و ممكن تطلعها انجليزيى خلال 4 ايام بحوالى 20 جنية للنسخة من ادارة الإمتحانات عمارات العرايس محطة مترو سعد زغلول فى وسط البلد او من الادارة التعليمية اللى انت تابع ليها و انت رايح تطلعها خد معاك صورة من الثانوية القديمة لانك هتحتاج بيانات منها زي رقم الجلوس و الادارة التعليمية و سنة التخرج و طلع كذا نسخة لو ناوي تقدم فكذا جامعة راعى ان الاسم زي الباسبور بالزبط و اسم الوثيقة كما فالوزارة كشف درجات نجاح اوعى تطلع بيان نجاح بس !! 

ملحوظة : لا يمكن اعتماد تلك النسخة من السفارة لان مترجم الوزارة غير معتمد فالسفارة و لكن يمكن التقدم بها للجامعات

6- شهادات التخرج 

***************

هتطلعها من كليتك بالانجليزي لو ده متاح و هترجمها من مترجم معتمد لو طلعت عربي 

هناك نوعين من الشهادات 

النوع الاول يمكن عمل نسخ طبق الاصل منه من السفارة و ده هتطلع نسخة او اتنين من كل واحدة 

- شهادات البكالريوس بها اسمك و تخصصك بالكامل كما بالباسبور و الدرجة التى حصلت عليه و التقدير 

- بيان التقديرات او بيان الدرجات 

- شهادة تفيد ان اخر دراسة لك ( البكالريوس ) كانت باللغة الانجليزية لو هتقدم على برنامج انجليزي مش المانى و الشهادة ديه في بعض الجامعات بتغني عن التويفل او الايلتس !

النوع الثانى شهادات لا تستطيع عمل صور طبق الاصل لها و لذلك ينصح بعمل نسخ بعدد الجامعات المراد التقديم بها 

- المحتوي العلمى لكل المواد التى درستها او course description or scientific course content

- نظام التقديرات فالكلية او الجامعة ان وجد فجامعتك ( بعض الجامعات تذكره فى الشهادات و البعض الاخر بتستخرج منه شهادة منفصلة و هناك جامعات لا توجد بها تلك الوثيقة ) Grading System

الشهادات من النوع الاول يجب ختمها بخاتم امين الجامعة المعتمد الوحيد من قبل وزارة الخارجية لعمل نسخ طبق الاصل من السفارة ثم الذهاب الى مكاتب الخارجية لاعتماد و توثيق الشهادات و بذلك هي جاهزة لاعتماد السفارة

عنواين مكاتب تصديقات الخارجية على مستوي الجمهورية 

http://www.mfa.gov.eg/Arabic/ConsularServices/TravelGuide/Ratifications/Pages/Default.aspx

لو حصلت على دبلوم دراسات عليا او اى شهادة اخري يجب ان تستخرج جميع اوراقها كما سبق

كيفية عمل نسخ طبق الاصل من السفارة :

*****************************

- هتروح تاخد ورقك من النوع الاول اللى قلنا عليه و تروح بدري السفارة فالزمالك التوثيق من الساعة 8 ل 9 ونص 

- الموظفة على الشباك هتقولك بغرض الدراسة هتقول اه هتسالك عن الاثبات هتكون محضر معاك برينت اون من صفحة اى جامعة مكتوب فيها certified copies الورق المطلوب 

مثال

https://www.uni-due.de/urbane-systeme/master_admission-requirements.shtml

تحت بند application رقم 3 هتلاقي مكتوب ان الشهادات مطلوبة certified copies هتطبع الورقة ديه و تروح بيها السفارة 

- هتاخد منك كالورق و تديك رقم تيجي تستلم بيه تانى يوم من 11 الى 12 

- هتاخد الورق المختوم من السفارة و تصوره وش و ظهر و تبين الاختام و تعمل عدد الصور اللى محتاجها و تتاكد ان معاك برينت اوت بعدد النسخ اللى عاوز تعملها و تروح السفارة تالت يوم من 8 و نص ل تسعة بردو تستلمهم رابع يوم من 11 ل 12

ملحوظات :

- السفارة اجازة جمعة و سبت 

- ختم توثيق السفارة بيكون على الدبوس بتاع الورق وانت بتصوره متخليش الراجل يفك الدبوس !

طيب بالنسبة لترجمة الاوراق ؟؟؟؟؟؟؟؟؟

لازم مترجم معتمد من السفارة بس العادى انك مش هتحتاج ترجمة لو ورقك كله طلع انجليزي

قائمة المترجمين المعتمدين من السفارة الالمانية

http://www.kairo.diplo.de/contentblob/4058286/Daten/4772959/rk_uebersetzerliste.pdf

7- اللغة 

********

وهتكون تويفل او ايلتس فى حال البرنامج كان بالانجليزي او شهادة الالمانى لو كان بالالمانى 

طبعا الجامعة لو بتدي قبول مشروط عادة بيكون مطلوب شهادة الماني بي وان و ممكن اقل ولو مش بتدي هتكون عايزه DSH or TestDaf www.testdaf.de

( منقول ) ( كتب محمد عبد السلام ) 

"المستوى المطلوب للدراسة في معظم الجامعات الالمانية هو النجاح في امتحان DSH2

ايه الامتحان ده ؟

اسمه الكبير Deutsch Sprachprüfung für die Hochschulen او امتحان اللغة الالمانية للدراسة في الجامعات

طب انا محتاج ادرس لحد انهي مستوى علشان اقدر انجح في الامتحان ده ؟ 

بعض الجامعات بتقول انك محتاج B2 وبعضها بيقول C1

طب انا محتاج ادرس وقت قد ايه علشان اوصل للمستوى ده ؟

لو هتدرس في معهد جوته مكثف حتحتاج سنة و 3 شهور عشان توصل B2 و سنة و 9 شهور عشان توصل C1

بس طبعا في اماكن اسرع مع اني مش واثق في جودتها 

المهم انت محتاج تعمل الامتحان ده عشان تقدر تدرس في الجامعة مباشرة هنا موجود فيديوهات لطريقة الشرح في معهد جوته

اما اذا كانت الدراسة باللغة الانجليزية(فقط ماجيستر اودكتوراه ) فالطالب محتاج ياخود TEOFL او IELTS

أ‌- الالمانى :

***********

لو عاوز تتعلم المانى لسا عليك و جروب تعلم الالمانية مجانا ... البوست المثبت به كل مصادر تعلم الالمانية من كتب و فيدو و كورسات و مواقع و برامج و افلام و قصص و خطط ممتازة للدراسة الفردية و خبرات مجمعة من تجارب الاعضاء في دراسة الالمانى ............

https://www.facebook.com/groups/German4Free/?fref=ts

كل شيء عن اختبار DSH

http://www.lsgermany.com/articles/to/language/814150646

الفرق بين testdaf and DSH

http://www.ostio.de/tdaf-and-dsh/

تعلم الالمانية عن طريق الانترنت 

http://www.lsgermany.com/articles/to/language/514184156

https://m.facebook.com/story.php…

قبول لغة فقط 

http://www.lsgermany.com/articles/to/approval/514225352

القبول المشرووط ( منقول ) ( كتب محمد عبد السلام ) 

_____________________________________________

• Zulassung او القبول المشروط :-

ده ليه احتمالين : 1- اذا كنت حتدرس في تخصص من تخصصات القبول المحدود وكان مستواك في اللغة الالمانية غير كافي لدخول امتحان DSH2 وكانت بقيت اوراقك كلها سليمة في الحالة ديه الجامعة حتبعتلك قبول لدراسة اللغة فيها وبعد كدة تقدم فيها تقديم داخلي بسيط للمنافسة على المقعد الدراسي 

2-اذا كان التخصص الدراسي من التخصصات المفتوحة فا حتاخد ورقتين من الجامعة الورقة الاولى اثبات قبولك بالدراسة فيها بشرط اتمام امتحان DSH2 والورقة التانية تفيد التحاقك بدورة اللغة في الجامعة

الكلام ده فقط للجامعات الي فيها مركز دراسة لغة اما اذا كانت مفهاش مركز دراسة لغة فا الرد هيكون في حالة تخصص القبول المحدود ان لغتك غير كافية وكدة يكون رفض من الجامعة اما اذا كانت قبول مفتوح فا في احتمال غير مؤكد انك تاخد ورقة القبول المشروط باللغة وتقدم على اي معهد لغة لدراسة اللغة ثم التقديم للامتحان داخل الجامعة .

كل المطلوب قبل ما تقدم للجامعة تعرف اذا كان فيها كورسات لغة المانية او لأ جميع الجامعات في المانيا

لو عايز اكتر تعرف عن القبول المشروط 

http://www.lsgermany.com/articles/to/approval/415112455

بوستات مهم عن الدراسة و تعلم الالمانى و المنح و الماستر 

https://www.facebook.com/abdo.fayed.39/posts/747182118671551

ب‌- انجليزي 

***********

كل شيء عن خطة و مصادر امتحان الايلتس 

https://www.facebook.com/download/713538052104909/IELTS%20Plan.pdf

برامج اندرويد للايلتس و التويفل 

http://mshmshvalley.com/%D8%A3%D9%85%D8%AA%D8%AD%D8%A7%D9%86%D8%A7%D8%AA-%D8%A7%D9%84%D9%80-ielts-%D9%88%D8%A7%D9%84%D9%80-toefl/

بوست مهم عن التقديم لماستر باللغة الانجليزية

http://www.lsgermany.com/articles/to/approval/514104542

8- اوراق اخري 

************

فيه اوراق اخري كثيرة ممكن تطلب هنقول اهمها :

- شهادات خبرة 

- خطة بحثية 

- ملخص او نسخة من بحث او مشروع التخرج 

- ما يفيد اى تدريب او خبرة عملية فالمجال المراد الدراسة به 

- امتحان GRE or GMAT 

- اثبات منحة لو حصلت على واحدة او تعهد بانك هتصرف على نفسك 

- صور شخصية و صورة الباسبور 

- كوبونات الرد الدولى و ده طابع بريد كبير دولى بعض الجامعات بتطلبه 

- ممكن بعض الجامعات تطلب امتحان او انترفيو او الاتنين قبل القبول و بيكون امتحان اونلين و فى بعض الاحيان بيعفي الطالب منه لو خبرته او السي في كويس او درس مواد كتير تؤهله للماستر ده فلازم تعرف هل الجامعة طالبة امتحان ولا مش مطلوب و لو مطلوب عموما هل ينطبق عليك ولا ممكن تعفي منه.

- 

انواع الاوراق المختلفة المطلوبة لدي هيئة الاوني اسيست 

http://www.uni-assist.de/application-documents.html

رابعا ارسال الاوراق للجامعة 

-----------------------------

طبعا هتخش على موقع كل برنامج و تشوف العنوان اللى الورق بيتبعت عليه و دور على رقم تليفون الجامعة او مكتب المراسلات او مكتب الطلبة الدوليين 

هتنزل تشتري اظرف حجم كبير و تحط الورق بتاع كل جامعة فطرفه و تقفله و تكتب عليه اسم الجامعة و العنوان و الرقم البريدي و التلفون من ناحية و من الاخري اسمك رباعى و عنوانك و رقم تلفونك و رقم application بتاعك ان وجد 

ارسال الاوراق EGYmail الاسرع و الاوفر و الاضمن

فروع البريد و توافر خدمات السريع بها........ اعرف منطقتك 

https://www.egyptpost.org/mktbs/offices_brief.aspx…

تاخد ورقك و تنزل المركز الرئيسي لخدمة البريد السريع بالعتبه او اى مكتب متوافر به الخدمه ديه قريب منك 

و تبعت الورق ...الظرف هيكلفك 157 جنيه للواحد و بيوصل خلال 4 ايام عمل هتاخد ايصالات من الموظف عليها رقم هتتصل بالهوت لاين بتاع البريد تلميهم الرقم هيدولك رقم الشحنة لل DHL عشان تعملها تتبع و تعرف وصلت لفين و هل تم استلامها ولا لسا

ثم تبدأ مرحلة الانتظار و في تلك المرحلة ينصح بان تشغل نفسك بمذاكرة اللغة حتى تستفيد من الوقت جيدا و تشغل نفسك عن التفكير فى القبول و ان شاء الله ربنا يكرمك بقبول جامعى 

فتبدأ مرحلة الاستعداد للفيزا

خامسا مرحلة الحساب البنكي المغلق 

------------------------------------------

ايه هو الحساب المغلق ده وافتحه ازاى ؟؟؟؟؟؟؟؟؟

هتخش على موقع الدويتشه بانك و تنزل الابليكشن ... خد بالك فيه نوعين اكبر من 18 سنة و اصغر من و هتملا الابليكشن و تطبعه و تروح السفارة معاك الباسبور و صورة منه و تختم صورة الباسبور و تمضي قدامهم الابليكشن و يختمولك عليه هتدفع حوالى 500 جنيه و تاخد الابليكشن و صورة الباسبور و تروح تبعتهم لعنوان الدويتشه بانك بالبريد السريع خلال 10 ايام عمل من وصول الابليكشن هيتفتحلك حساب و يتبعتلك ايميل بالبيانات

هترووح البنك بتاعك المصري و تحول المبلغ المطلوب

نصائح :

- افضل بنوك واسرعها فالتحويل qnb و العربي الافريقي و CIB لو ليك حساب بقاله فتره 

- لو حسابك لسا جديد خليك فى QNB خد بالك ان كل فرع ممكن يقولك شرووط غير التانى فاسئل فكزا فرع

- حاول تفتح الحساب بدري علشان لما تيجي تحول الموضوع يكون سهل

http://www.lsgermany.com/articles/to/embassy/514181049

موقع الدويتش بانك 

https://www.deutsche-bank.de/…/konto_international-students…

سادسا مرحلة الفيزا وما بعد القبول الجامعى 

اخيرا انتظرونا فالجزء الثانى مرحلة ما بعد القبول و ما بعد السفر

-------------------------------------------------------------------------------------

لينكات هامة و بوستات مهمة جدا 

====================

عن الدراسة فى المانيا و نظام المنح 

https://www.facebook.com/photo.php?fbid=10201782743984921&set=a.1357638895632.2051457.1071283736&type=1&fref=nf

معلومات عن الدراسة فى المانيا (الماستر)

https://www.facebook.com/photo.php?fbid=10204098911260241&set=a.1602274223948.2077791.1448860592&type=1&theater

العمل وتكاليف الدراسة في ألمانيا

http://www.ostio.de/kosten-studentarbeit/

حساب المعدل بالطريقة الألمانية

http://www.ostio.de/umrechnung/

المِنَح والمعلومات المتوفرة عنها في موقع أوستيو حتى اللحظة

http://www.ostio.de/stipendium/

لستة كبيرة باسامي هيئات المنح للدراسة فى المانيا 

https://www.campus-elgouna.tu-berlin.de/…/adm…/scholarships/

لينك مهم عن الدراسة و العمل 

http://mshmshvalley.com/make-it-in-germany/

هنا ملخص لمجهود أصدقاء في مجالات مختلفة عن تجربتهم في البحث عن مقاعد دراسية أو منح أو عمل في ألمانيا..

https://www.facebook.com/terkawi/posts/10204902501736915

The following websites are based on student initiatives and provide important tips and information about studying in Germany

www.studserv.de

www.allstudents.de

www.studentenseite.de

www.studieren.de

www.unipilot.de

www,seigopo.com (German only)

9 Tips for Planning Your Research Stay 

http://www.research-in-germany.org/…/job…/research-stay.html

---------------------------------------------------------------------------

‫#‏فحص_B2_Telc‬

https://www.facebook.com/groups/Life.and.Study.in.Germany/permalink/752785118102927/

---------------------------------------------------------------------------

‫#‏فحص_DSH_جامعة_أخن_كتجربة‬

https://www.facebook.com/groups/Life.and.Study.in.Germany/permalink/773639856017453/

بوست مهم جدا ملخص لخطوات التقديم على الدراسة و فتح الحساب المغلق 

https://www.facebook.com/groups/604263936340452/permalink/640991496001029/

كيف أبحث عن سكن في ألمانيا ؟

http://www.swedenlatestnews.com/…/%D9%83%D9%8A%D9%81-%D8%A…/

دول شخصيات مقيمة حاليا فى المانيا .. كل واحد جه بطريقة مختلفة و له تخصص مختلف يقدر يفيدكم به. اللى عنده أى اسئلة بخصوص السفر يتواصل معاهم.

https://www.facebook.com/photo.php?fbid=10204104824248062&set=a.1602274223948.2077791.1448860592&type=1

عن المنح و الدراسة في أوروبا

https://www.facebook.com/notes/10150451893579424/

بوست مهم عن الدراسة فالخارج عموما والمانيا بالاخص 

https://www.facebook.com/groups/604263936340452/permalink/604584496308396/?hc_location=ufi

السكن في ألمانيا. كيف أبحث عنه؟

أين أبدأ البحث؟

- قم بالتقدم الى السكن الجامعي التابع لجامعتك

- إبحث في أهم مواقع إعلانات السكن (القائمة في الاسفل)

- إبحث في الجرائد المحلية في مدينتك

- إبحث في المؤسسات السكنية التعاونية (Wohnungsgenossenschaft)

- إبحث في إعلانات الجامعة في اللوح الاسود (schwarzes Brett)

أهم مواقع إعلانات السكن

http://www.wg-gesucht.de/

http://www.immobilienscout24.de/

http://www.immonet.de/

http://www.wohnung-jetzt.de/

ما هي أهم مواقع البحث عن عمل؟

مواقع تسجل فيها لمزة واحدة وبعدها الشركات او شركات 

التوطيف تتصل بك ونعرض عليك قرصة عمل, كما يمكن في المواقع ذاتها البحث عن عمل والتقدم له:

http://www.xing.com/

http://www.absolventa.de/

http://www.monster.de/

http://www.stepstone.de/

http://jobboerse.arbeitsagentur.de/

كيف تجد سكن في ألمانيا - الجزء الأول 

https://www.youtube.com/watch?v=BwlPRcbKJxo

كيف تجد سكن في ألمانيا - الجزء الثاني 

https://www.youtube.com/watch?v=ZG1uL8Y_OWc

دليل الدراسة فى المانيا من موقع دويتشه فيله 

http://www.dw.com/ar/%D8%A7%D9%84%D8%B1%D8%A6%D9%8A%D8%B3%D9%8A%D8%A9/%D8%AF%D9%84%D9%8A%D9%84-%D8%A7%D9%84%D8%AF%D8%B1%D8%A7%D8%B3%D8%A9/s-14013